Klessti á ljósastaur...

Skelfing er leiðinlegt að sjá þegar fréttamenn orða fréttir eins og börn væru að skrifa þær. Börnum er þó fyrirgefið málfarið vegna kunnáttuleysis en manni finnst að það mætti gera meiri kröfur til fréttamannanna. "Ók, eða keyrði á ljósastaur á nokkurri ferð" er það sem ég myndi vilja sá í þessari grein í stað þess að "Klessa á...".

Óhapp á Vesturlandsvegi

Athugasemdir

[Sara (IP-tala skráð) 31.12.2009 kl. 15:20]

nákvæmlega það sem ég hugsaði þegar að ég las þetta! (ætlaði að blogga um það en komst ekki inn á bloggið mitt) fréttamennskan á mbl.is er oft á ótrúlega lágu plani.

[Þórður (IP-tala skráð) 31.12.2009 kl. 15:54]

Svo væri einnig í lagi að segja að ökumaður klessti bifreið sína á ljósastaur en ekki að ökumaður klessti á staurinn !!!

[Huldukonan, 31.12.2009 kl. 16:36]

Eða fullkomna þetta bara með að segja fréttina svona: Dópaður gaur klessti á staur.

[Sigurður Helgason, 31.12.2009 kl. 17:18]

Miðað við að staurinn bognaði svona, hvernig leit aumingja maðurinn út, eftir að hafa klesst sér á staurinn

[Gunnar Th. (IP-tala skráð) 31.12.2009 kl. 17:37]

Fréttamennirnir orða því miður fréttirnar oft eins og börn vegna þess einfaldlega að þeir eru börn - eða vart af barnsaldri. Að auki er íslenskukunnátta framhaldsskólanema almennt ákaflega bágborin, því einhverra hluta vegna er lítil áhersla á að nemar í alheimsfræðum allskonar  séu sæmilega liprir á eigin tungu.